PROMO-AKSIYANING RASMIY QOIDALARI



"O‘zbekistonda Yangi yil Promo-aksiyasi 2021" Promo-aksiyasi (quyida - “Promo-aksiya”) O‘zbekiston, 100033, TOSHKENT, BEKTEMIR tumani, OLTINTOPGAN ko‘chasi, 40 uy manzilida joylashgan “Coca-Cola Ichimligi Uzbekiston, Ltd.” MCHJ XK, (quyida – “Tashkilotchi”) Kompaniyasi tomonidan 2021-yil 01-dekabrdan 2022-yil 15-yanvargacha (ikkala sanani ham o‘z ichiga olgan holda) O‘zbekiston Respublikasi hududida tashkil etiladi va o‘tkaziladi.


1-BO‘LIM. PROMO-AKSIYASIDA QATNASHADIGAN MAHSULOTLAR

Promo-aksiyaning ishtirokchisiga (quyida – “Ishtirokchi”) aylanish uchun, maxsus tillarang qopqoqli (quyida – “Qopqoq(lar)”) 1,0 litr va 1,5 litr hajmdagi plastik idishli “Coca-Cola Classic”, «Coca-Cola Shakarsiz» va “Fanta” mahsulotlarini (quyida – “Mahsulot(lar)”) xarid qilish kerak.

Qopqoqlar Tashkilotchi tomonidan tasdiqlanishi lozim. Qopqoqlarning haqiqiyligi bilan bog'liq har qanday nizo yuzaga kelgan taqdirda, Tashkilotchining qarori yakuniy hisoblanadi.


2-BO‘LIM. SOVRINLAR TAVSIFI

Ishtirokchilar zamonaviy "Korzinka" savdo tarmog'i yillik oziq -ovqat savatchasi uchun mo‘ljallangan - 50 000 000 (ellik million) so'm qiymatga ega bo‘lgan 100 (yuz) ta yutuqli sertifikatlardan birini yutib olish imkoniyatiga ega bo‘ladilar (quyida – “Sertifikat(lar)”). Sertifikat yordamida mahsulot sotib olish joyi - O‘zbekiston hududida joylashgan tarmoqli “Korzinka” supermarketlari bo‘lib, quyidagi manzillar bundan mustasno: Qoraqalpog‘iston Respublikasi, Nukus shahri, Ernazar Alakuz ko‘chasi, 162-uy va Qashqadaryo viloyati, Shahrisabz shahri, Maftunkor ko‘chasi, 35-uy. Muddati o‘tgan, foydalanilmagan va/yoki to‘liq foydalanilmagan sovg‘a kartalari qaytarib olinmaydi va/yoki almashtirilmaydi va ularning qiymati (shu jumladan kartalarda qolgan mablag‘lar) uchun pul kompensatsiyasi amalga oshirilmaydi. Agar sertifikat egasi (taqdim etuvchi) tomonidan yo‘qotilgan bo‘lsa, sertifikatni qayta tiklab bo‘lmaydi. Shikastlangan yoki sotuvchining haqiqiyligiga shubha tug‘diradigan sertifikatlar orqali tovarlar harid qilinmaydi.

Yutuqli karta bilan xaridlar to‘lovini amalga oshirishda bonuslar jamg‘arma kartaga o‘tkazilmaydi.

Yutuqli karta 28.02.2023 yilgacha, ushbu sanani o‘z ichiga olgan holda amal qiladi.

Kartadan foydalanish oylik limiti - 10 000 000 so‘mdan ortiq emas.

Ushbu karta/sertifikat «Coca-Cola Ichimligi Uzbekiston, LTD» MChJ XK mulki hisoblanadi hamda undan faqat ko‘rsatilgan «Korzinka» supermarketlarida Kompaniya shartlari bo‘yicha foydalaniladi. Yutuqli kartadan foydalanishdan oldin, yutuqli karta egasi kartadan foydalanish shartlari bilan tanishib chiqish majburiyatini oladi. Yutuqli kartalardan foydalanish qoidalari «Korzinka» tarmog‘Ii supermarketlari saytida (krzn.uz/cocacola) joylashtirilgan.

Sovrinlarni olish bilan bog‘liq har qanday to‘lovlar, xarajatlar, yig‘imlar hamda O‘zbekiston Respublikasi qonunchiligiga muvofiq daromad solig‘i yutuqli sertifikatlardan birini yutib olgan Ishtirokchi tomonidan qoplanadi.

Diqqat! Sovrinlarning umumiy soni ushbu 2-Bo‘limida belgilanadigan raqamlar bilan cheklanadi. Sovrinlarning umumiy soni mazkur 2-Bo‘limda ko‘rsatilgan miqdordan oshib ketmasligi shart.

Tashkilotchi Promo-aksiya Ishtirokchilarining shaxsiy istaklariga mos bo‘lmagan Sovrinlar uchun javobgar emas.

Hech qanday holatda Sovrin(lar) naqd pulga almashtirilmaydi.


3-BO‘LIM. SOVRINLARNI QANDAY YUTIB OLISH MUMKIN

2021-yil 01-dekabr va 2022-yil 15-yanvar sanalari oraligʻida tillarang qopqoqli mahsulot sotib oling va Qopqoq ichiga qarang. Qopqoq ostida tasodifiy noyob Kodni topish mumkin (bundan buyon matnda – "Kod").

Kodni ro‘yxatdan o‘tkazish uchun maxsus tillarang qopqoq ostidagi Promo-kodni Tashkilotchining promo.coca-cola.uz VEB-saytiga kiriting yoki maxsus kod hamda ism va familiyani SMS-xabar orqali 5580 raqamiga yuboring, ular orasida bo‘sh joy qoldiring (SMS yuborish uchun to‘lov QQS bilan 100 so‘m). (Masalan: A1B23456 Ism Familiya). SMS xabarlar faqat O'zbekiston hududida xizmat ko'rsatuvchi uyali aloqa operatorlaridan birining tarmog'iga ulangan abonent qurilmasidan yuboriladi. Yuqorida ko‘rsatilgan har qanday yo‘l bilan kodni ro‘yxatdan o‘tkazishingiz bilanoq siz avtomatik ravishda haftalik o‘yinda ro‘yxatdan o‘tasiz. O‘yinlar quyidagi jadvalga ko‘ra bo‘lib o‘tadi.

O‘yin raqami Oyin sanasi Sertifikatlar soni
1 14.12.2021 16
2 21.12.2021 16
3 28.12.2021 20
4 04.01.2022 16
5 11.01.2022 16
6 18.01.2022 16


3.2. Har bir Ishtirokchining maxsus kodni ro‘yxatdan o‘tkazish kunlik limiti 6 martadan ortiq emas.

3.3. Kodni ro‘yxatdan o‘tkazish orqali Ishtirokchi Promo-aksiyada ishtirok etish huquqiga ega ekanligini e’tirof etadi va ushbu Qoidalarning barcha bandlariga avtomatik tarzda amal qilishi shart hisoblanadi.

3.4. G‘olib aniqlangan taqdirda, yutuqlarni topshirish bo‘ycha mas’ul xodim bir hafta mobaynida golib bilan bog‘lanadi. Yutuqlar 2022 yilning 31-yanvarigacha taqdim etiladi.

3.5. Tashkilotchi yoki uning vakolatli vakillari quyidagi huquqlarni saqlab qoladilar: a) Sovrin(lar)ni olish istagidagi har bir Ishtirokchi(lar)ning, agar Ishtirokchi 18 yoshga to‘lmagan bo‘lsa, ushbu shaxsning qonuniy vakillarining (O‘zbekiston Respublikasi qonunlarida belgilangan holatlarda), xususan, ota-onalar farzandlikka oluvchilar va homiylarinig shaxsini tasdiqlovchi hujjat nusxasini taqdim etilishini so‘rab olish; b)Tashkilotchi tomonidan tasdiqlovchi hujjatlar va ushbu bo‘limda keltirilgan boshqa hujjatlarni talab qilgan taqdirda hujjatlarni taqdim eta olmaydigan har qanday Ishtirokchiga Sovrinni berishni rad etish.

3.6. Tashkilotchi Ishtirokchilar tomonidan Promo-aksiyada qatnashish va/yoki Sovrinlar yutib olish munosabati bilan sarflanadigan har qanday xarajatlar, chiqimlar va sarf-xarajtlar uchun javobgar bo‘lmaydi.


4-BO‘LIM. MAZKUR PROMO-AKSIYADA QATNASHISH HUQUQI

4.1. “Coca-Cola Ichimligi Uzbekiston, Ltd.” MCHJ XK ishchilari va vakillari hamda “The Coca-Cola Company” Kompaniyasi, “Coca-Cola Ichimligi Uzbekiston, Ltd.” filiallari, affillangan shaxslari va aloqador kompaniyalari, ularning O‘zbekiston Respublikasidagi Vakolatxonasi, ishtirok etuvchi distribyutorlar yoki Promo-aksiya markaz(lar)i (agar mavjud bo‘lsa) xodimlari, Reklama va lotereya agentliklari tashkilotchilari, ishtirok etuvchi distribyutorlar yoki Aksiya markazlari (agar mavjud bo‘lsa), shuningdek yuqorida ko‘rsatilgan har qanday kishining yaqin oila a‘zolaridan tashqari, 14 yoshdan yuqori bo‘lgan doimiy ro‘yxatda turadigan O‘zbekiston Respublikasi fuqarolari barcha aqliy faoliyati joyida bo‘lgan shaxslar ushbu Promo-aksiyasida qatnashish huquqiga ega.

MUHIM IZOH: 18 YOSHGA TO‘LMAGAN SHAXSLAR YUTUG‘INI OTA-ONASI, FARZANDLIKKA OLUVCHILARI YOKI HOMIYLARI HAMROHLIGIDA QABUL QILISHLARI MUMKIN.

4.2. Agar Tashkilotchi yoki uning vakolatli vakillari yoki Promo-aksiya Markazi fikriga ko‘ra, Sovrin(lar) olish huquqini talab qiladigan Ishtirokchi 18 yoshga to‘lmagan bo‘lsa, u holda Tashkilotchi uning ota-onasi, farzandlikka oluvchilari yoki homiylaridan biri Sovrin(lar)ni shaxsan o‘zlari qabul qilishlarini so‘rashga haqli.

4.3. Tashkilotchi har qanday Ishtirokchidan o‘zining yoshini tasdiqlaydigan hujjatlarni talab qilish (lekin majburiy emas) huquqiga ega va mazkur Rasmiy Qoidalar Bo‘limining 4.1-bandida belgilangan yoshdan kichik bo‘lgan shaxsga Sovrin(lar)ni berishni rad etish huquqini saqlab qoladi.


5-BO‘LIM. TALABLAR VA QOPQOQLAR

5.1. Yutuqli sertifikatlar faqatgina yutuqli Qopqoqni taqdim etgan Ishtirokchilarga topshiriladi.

5.2. Tashkilotchi bir yoki bir necha maxfiy belgilarni va/yoki maxfiy Kodni va/yoki raqamlarni va/yoki harflarni (bundan keyin birgalikda "Yashirin Kod(lar)" deb ataladigan) bosmadan chiqarish, shtamplash va joylashtirish huquqini saqlab qoladi, ular Ishtirokchi tomonidan taqdim etilganda Tashkilotchi tomonidan har qanday Qopqoq haqiqiy yoki haqiqiy emasligi aniqlanadi. Har qanday nizo yuzaga kelgan taqdirda, Tashkilotchi Rasmiy qoidalarda belgilangan yutuqlarini olish bo‘yicha murojaatlar bildirish ohirgi kunining keyingi kunigacha Yashirin Kod(lar)ni oshkor qilmaslik huquqini saqlab qoladi. Mazkur Promo-aksiyada ishtirok etish orqali Ishtirokchilar ushbu oshkor qilmaslik huquqiga hech qanday shaklda e’tiroz bildirmasliklarini tasdiqlaydilar.

5.3. Tashkilotchi, agar uning fikriga ko‘ra, Qopqoq har qanday buzilishlar yoki o‘zgarishlarga duch kelgan bo‘lsa, soxta, zarar etkazilgan, tirnalgan, yuvilgan va/yoki kir yoki bo‘yalgan, shuningdek bosma, tipografik yoki boshqa xatoliklar bo‘lsa, noqonuniy yo‘l bilan qo‘lga kiritilgan yoki boshqa yo‘l bilan Promo-aksiya shartlari va qoidalariga zid bo‘lsa, Qopqoqni yaroqsiz deb hisoblash huquqini o‘zida saqlab qoladi. Tashkilotchi yaroqsiz Qopqoqlar bilan bog‘liq har qanday talablarni rad etish huquqini o‘zida saqlab qoladi.Yashirin Kod(lar) mavjud bo‘lgan maxsus Qopqoqlarni Yutuqli sertifikatlarga almashtirib berilishi talab qilinadigan har qanday yaroqsiz Qopqoqlar haqiqiyligiga oid nizolar paydo bo‘lsa, yuqorida ko‘rsatilgan Rasmiy Qoidalarda qayd etilgan Yashirin Kodlar tizimiga asoslangan holda Tashkilotchining qarori yakuniy hisoblanadi.

5.4. Tashkilotchi Qopqoq(lar)ning egaligiga taalluqli har qanday nizolar bilan bog‘liq bo‘lgan hech qanday javobgarlikni o‘z zimmasiga olmaydi. G‘olib aniqlangan taqdirda, haqiqiy g‘olib deb ro‘yxatdan o‘tgan va haqiqiy tillarang maxsus Promo-kod mavjud bo‘lgan yutuqli qopqoqni taqdim etgan shaxs hisoblanadi.

5.5. Tashkilotchi va Markaz Qopqoqlarning yaroqsizligi yoki rad etilganligi yuzasidan hech qanday yozma izoh yoki tushuntirishlar berishga majbur emas.

DIQQAT! G‘OLIB BO‘LGAN ISHTIROKCHI (G‘OLIB) MAXSUS YUTUQLI PROMO-KODLI TILLARANG QOPQOQNI KOMPANIYANING MAS’UL XODIMIGA TAQDIM ETISH UCHUN SAQLAB QOLISHI SHART. Sovrinni olish uchun quyidagi hujjatlar rasmiylashtiriladi:
  • Hadya shartnomasi va yutuqli sertifikatni qabul qilish to‘g‘risidagi dalolatnoma;
  • Maxsus yutuqli Promo-kodli tillarang qopqoqni qabul qilish topshirish to‘g‘risidagi dalolatnoma;
  • Amaldagi qonun hujjatlarida belgilangan stavkalar bo‘yicha O‘zbekiston Respublikasi Soliq kodeksining 387-moddasida keltirilgan jismoniy shaxslarning daromad solig‘ini majburiy to‘lash to‘g‘risidagi tilxat.

Tashkilotchi yoki uning vakolatli vakillari quyidagi vakolatlarga ega:
  • sovrinni topshirish uchun maxsus yutuqli Promo-kodli tillarang qopqoqni hamda shaxsni tasdiqlovchi hujjat nusxasini talab qilish;
  • Tashkilotchining talabiga binoan ushbu bo‘limda ko‘rsatilgan tasdiqlovchi hujjatlarni va maxsus yutuqli Promo-kodli tillarang qopqoqni taqdim eta olmagan har qanday Ishtirokchiga sovrin berishni rad etish.

Tashkilotchi sovrin 2022 yilning 31 yanvar kuniga qadar taqdim etilishini kafolatlaydi.


6- BO‘LIM. G‘OLIB(LAR)NING ROZILIGI

Sovrinlar taqdimoti ommaviy tadbir sifatida, ommaviy axborot vositasi, audioyozuv, foto va video tasvirlarni jalb qilish orqali tashkil etilishi mumkun. Ishtirokchi(lar) ushbu Promo-aksiyada ishtirok etish bilan, agar u(lar) Go‘lib bo‘lsa, ularning ismi, manzili va foto/videosuratlari va audioyozuvlari ommalashtirilib, ularning ovozlari, fotosuratlari hamda video materiallari ommaga Tashkilotchi tomonidan hech qanday tovon pulisiz taqdim etilishiga rozilik bildiradilar. Tashkilotchi yuqorida aytib o‘tilgan ommaviy tadbirning taqdimotini tashkil etganda va bunga tegishli rozilikni olgan taqdirda, ushbu shart-sharoit haqida Ishtirokchi(lar)ga hamrohlik qilgan shaxslarga xabar qiladi.

Sovrinlarni olish uchun murojaat qilgan har bir Ishtirokchi uning ismi, manzili, telefon raqami va fotosuratlari/video va audio yozuvlarini Tashkilotchi tomonidan o‘z hohishiga ko‘ra har qanday shaklda jamoatchilikka taqdim etilishi mumkinligiga rozilik bildiradi va, shu bilan birga, Tashkilotchi tomonidan Ishtirokchilardan qo‘shimcha rozilik yoki ruxsatnomalar olmasdan, Ishtirokchilarga hech qanday tovon puli to‘lamasdan va ularni keyinchalik xabardor qilmasdan har qanday audio, foto va video materiallardan foydalanishlari mumkin.


7- BO‘LIM. XARAJATLAR VA SOLIQLAR

O‘zbekiston Respublikasi Soliq kodeksining 393-moddasiga muvofiq, ishtirokchi aksiyada Yutuqli sertifikatni yutib olgan taqdirda, G‘olib soliq miqdorini keyinchalik byudjetga to‘lash uchun amaldagi qonun hujjatlarida belgilangan stavkalar bo‘yicha shaxsiy daromad solig‘ini to‘lash, shuningdek u o‘zining pasport va JSHSHIR kseronusxalarini taqdim etish majburiyatini oladi.


8-BO‘LIM. PROMO-AKSIYASINING BEKOR QILISHI VA O‘ZGARISHI

Agar ayrim sabablarga ko‘ra Aksiyaning biror bir yo‘nalishi rejalashtirilgan tarzda amalga oshirilmasa, shu jumladan kompyuter viruslarini yuqtirish, uyali aloqa tarmog'idagi nosozliklar, nuqsonlar, ruxsatsiz aralashuv, qalbakilashtirish, texnik muammolar, shuningdek Aksiyaning Tashkilotchi nazoratidan tashqari bo‘lgan tarzda yuritilishi, xavfsizligi, halolligi, yaxlitligi yoki to‘g‘ri o‘tkazilishiga ta’sir qiladigan har qanday sabablar Promo-aksiyani O‘zbekiston Respublikasining butun hududida yoki Tashkilotchi tanlagan har qanday belgilangan mintaqada va/yoki aholi punktida (shahar, qishloq va boshqalar) qisman yoki to‘liq bekor qilish, uni to‘xtatish, yangilash yoki davom ettirish, shuningdek mazkur Rasmiy Qoidalarga o‘zi maqsadga muvofiq deb topgan o‘zgartirishlarni istalgan paytda kiritish huquqini o‘zida qoldiradi.

Tashkilotchi o‘z hohishiga ko‘ra o‘zi tanlagan milliy gazetada yoki Veb-saytda e’lon berish (“E’lon”) yo‘li bilan shunday o‘zgarishlar kiritilgani haqida Ishtirokchilarni xabardor qilish huquqiga ega. Promo-aksiya va mazkur Rasmiy Qoidalar bekor qilingani, to‘xtatilgani, yangilanganligi yoki o‘zgartirilgani haqida iste’molchilarni xabardor qilish uchun shunday E’lonni chop etilishining o‘zi yetarli bo‘ladi.


9-BO‘LIM. “THE COCA-COLA COMPANY” SAVDO BELGILARI

Hech nima Mazkur Rasmiy Qoidalarda Ishtirokchiga biror-bir egalik huquqi taqdim etiladigan yoki u yuqorida ko‘rsatilgan “The Coca-Cola Company” savdo belgilaridan foydalanish asosida daromad oladi degan tarzda talqin qilinmasligi kerak. Na Rasmiy qoidalarda ko‘rsatilgan bandlar, na Promo-aksiyasida qatnashish hech bir Ishtirokchiga marketing yoki reklama maqsadlarida hamda Promo-aksiyasiga taalluqli bo‘lmagan boshqa har qanday maqsadlarda (“The Coca-Cola Company”ning oldindan beradigan yozma roziligisiz) “The Coca-Cola Company” va Tashkilotchining nomi, logotipi, savdo belgilari yoki mualliflik huquqlaridan foydalanish yoki ularni eslatib o‘tish huquqini bermaydi. Ishtirokchi “The Coca-Cola Company” savdo belgilarining va “The Coca-Cola Company” ga bo‘lgan mulk huquqining haqiqiyligini tan oladi va uni hech qachon shubha ostiga qo‘ymaydi.

Ishtirokchi “The Coca-Cola Company” savdo belgisiga bo‘lgan huquqlarga doir Rasmiy qoidalar bandlarini buzgan taqdirda, boshqa har qanday hududda faoliyat ko‘rsatuvchi, “The Coca-Cola Company” savdo belgilariga ega Tashkilotchi va/yoki “The Coca-Cola Company” va/yoki boshqa vakolatli ishlab chiqaruvchi va/yoki tovarlar distribyutori yuqorida ko‘rsatilgan qoidabuzarlik munosabati bilan ko‘rgan barcha zararni qoplashni Ishtirokchidan talab qilishi, Ishtirokchi esa Tashkilotchining birinchi talabi bilan ularni qoplashi zarur.

Mazkur 9-Bo‘lim Promo-aksiyaning muddati tugagandan keyin ham amal qiladi.


10-BO‘LIM. ISHTIROKCHILARNING SHAXSIY MA’LUMOTLARINI TO‘PLASH VA QAYTA ISHLASH UCHUN ROZILIK

Promo-aksiyaga ro‘yxatdan o‘tish orqali Shaxsiy ma’lumotlaringizni taqdim etish bilan birga Siz Tashkilotchi va “The Coca-Cola Company” Kompaniyasiga, uning sho‘ba tashkilotlariga va boshqa affilangan shaxslari (bundan buyon matnda birgalikda "Affilangan shaxslar" deb ataladi), shuningdek, Tashkilotchi va “The Coca-Cola Company” Kompaniyasi va Affilangan shaxslar uchun ma’lumotlarni saqlaydigan va ishlov beradigan uchinchi shaxslarga, shuningdek, ushbu Promo-aksiya bilan bog‘liq xizmatlarni taqdim etadigan uchinchi shaxslarga, Shaxsiy ma’lumotlaringizni quyidagi tarzda yig‘ish, ishlov berish va uzatishga rozilik bergan hisoblanasiz.

Tashkilotchi va “The Coca-Cola Company” Kompaniyasi hamda uning Affillangan shaxslari va uchinchi shaxslar Ishtirokchining Shaxsiy ma’lumotlarini yig‘ish, saqlash, tasniflash, to‘g‘irlash, o‘zgartirish, foydalanish, egasizlantirish, O‘zbekiston Respublikasi yoki chet el rezidenti, jumladan uchinchi shaxslarga uzatish orqali, Promo-aksiyani o‘tkazish uchun bloklash, shu jumladan g‘oliblarni tanlash va g‘oliblarni va Promo-aksiyaning boshqa ishtirokchilarini yutuq haqida xabardor qilish yoki tadbirlar haqida Sizni xabardor qilish, takliflaringiz va shikoyatlaringizni ro‘yxatga olish, Siz uchun yaxshi xizmat standartlarini o‘rnatish, savdo va biznes strategiyalarini aniqlash va amalga oshirish va Sizga tadqiqot, axborot, marketing va yuqoridagilar bilan cheklanmagan holda, imkoniyatlar va xizmatlarni taqdim etish maqsadida ishlatishi mumkin.

Tashkilotchi va “The Coca-Cola Company” Kompaniyasi va uning Affilangan shaxslari Shaxsiy ma‘lumotlarni uchinchi shaxslarga sotish yoki ijaraga berish niyatida emas.


11-BO‘LIM. PROMO-AKSIYA SHARTLARI

Mazkur Promo-aksiyaning Rasmiy Qoidalarini Veb-saytda topish mumkin. Promo.coca-cola.uz

Qo‘shimcha ma’lumot olish uchun (78) 888-55-80 raqamiga qo‘ng‘iroq qiling (yoki Veb-saytga kiring).

MAZKUR PROMO-AKSIYADA QATNASHAR EKAN, BARCHA ISHTIROKCHILAR AVTOMATIK TARZDA MAZKUR PROMO-AKSIYASINING RASMIY QOIDALARI MATNINI DIQQAT BILAN O‘QIB CHIQQANINI VA ULARNI TUSHUNGANINI TAN OLADILAR HAMDA BIROR-BIR CHEKLOVLARSIZ VA ISTISNOLARSIZ PROMO-AKSIYANING RASMIY QOIDALARIGA AMAL QILISHGA ROZI BO‘LGAN HISOBLANADILAR.

“COCA-COLA”, “COKE”, “COCA-COLA ZERO”, “COKE ZERO”, “Fanta”, “Sprite”, Konturli shisha idish va Dinamik To‘lqin - “The Coca-Cola Company” Kompaniyasining ro‘yxatdan o‘tgan savdo belgilari hisoblanadi.